രാമങ്കരി: ദേശിയ ജന്തുരോഗ നിയന്ത്രണ പദ്ധതിയുടെ ഭാഗമായി സംസ്ഥാന മൃഗസംരക്ഷണവകുപ്പ് നടപ്പിലാക്കുന്ന എട്ടാംഘട്ട കുളന്പുരോഗ പ്രതിരോധ കുത്തിവപ്പിന് രാമങ്കരി പഞ്ചായത്തിൽ തുടക്കമായി. പ്രസിഡന്റ് ജോസി ഡൊമിനിക് തേവേരി ഉദ്ഘാടനം ചെയ്തു.
മൃഗസംരക്ഷണ വകുപ്പിലെ ഉദ്യോഗസ്ഥർ നേരിട്ട് കർഷക ഭവനങ്ങൾ സന്ദർശിച്ചാണ് ഉരുക്കൾക്ക് സൗജന്യ കുത്തിവെപ്പ് എടുക്കുക. വെറ്ററിനറി സർജൻ ഡോ. വൈശാഖ് മോഹൻ പദ്ധതിയെക്കുറിച്ച് വിശദീകരിച്ചു.
ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ രാജേഷ് സോമൻ, വാർഡ് അംഗങ്ങളായ എ.എസ്. സുശീലൻ, പി.ജി. അശോക് കുമാർ, മോളിയമ്മ ജേക്കബ് എന്നിവർ പ്രസംഗം പ്രസംഗിച്ചു. ക്ഷീരകർഷകനായ ജോസഫ് വർഗീസിന്റെ വേളശേരിൽ ഫാമിൽ നടന്ന ചടങ്ങിൽ മൃഗാശുപത്രിയിലെ ലൈഫ് സ്റ്റോക്ക് ഇൻസ്പെക്ടർ അഖിൽ രാജ്, ഇ.ജി. ജയ, എ.ജി. മംഗളാനന്ദൻ, കുമാരി എന്നിവർ പങ്കെടുത്തു.